Saga ÍMARK

ÍMARK, félag íslensks markaðsfólks var stofnað árið 1986 og er félag einstaklinga sem hafa áhuga á og/eða starfa við markaðsmál. ÍMARK gerðist þátttakandi í norrænu samstarfi strax á fyrsta ári.Sigurður Ágúst Jensson var fyrsti formaður ÍMARK og var hvatamaður að stofnun félagsins. Hann hafði kynnst starfsemi American Marketing Association á námsárum sínum í Bandaríkjunum. Félagið hlaut nafnið Íslenski Markaðsklúbburinn, skammstafað ÍMARK og fór svo sannarlega vel af stað. Fræðslu- og morgunverðarfundir voru haldnir, svipaðir þeim sem Sigurður hafði kynnst í AMA, og vöktu bæði athygli og áhuga á markaðsmálum. 

Tilgangur félagsins er m.a. að auka veg og virðingu markaðsmála hérlendis og stuðla að auknum skilningi á mikilvægi þeirra. Félagsmenn koma frá öllum helstu fyrirtækjum landsins og hefur breidd félagsmanna aukist á undanförnum árum. Aukin fræðsla og gott tengslanet er mjög mikilvægt í nútímaviðskiptalífi og ÍMARK hefur reynst góður vettvangur í því sambandi.


Nánari útlistun á sögu ÍMARK er í vinnslu.