Valmynd Gerast meðlimur


19. desember

Innsendingar í Lúðurinn og ÁRU 2018

Opnað fyrir innsendingar í Lúðurinn
 
Opnað hefur verið fyrir innsendingar í Lúðurinn 2018 og verður tekið á móti innsendingum til og með 14. janúar 2019. Keppnin er opin öllum þeim sem stunda gerð og/eða dreifingu auglýsinga á Íslandi.
 
Innsendingarfyrirkomulag fyrir Lúðurinn 2018 verður með svipuðum hætti og í fyrra. 
 
ÁRU keppnina er að finna hér neðar.  
 
Lúðurinn 2018
Innan tveggja sólarhringa frá tilkynningu um þátttöku fær tengiliður tölvupóst með nánari upplýsingum ásamt hlekk á Dropbox-vefsvæði Lúðursins. Þar verða sniðmát fyrir innsent efni (Keynote skjöl) sem fylla þarf út. Hægt er að tilkynna þátttöku með því að smella á takkann hér að neðan. 
 
Tekið verður á móti öllum innsendum gögnum í þar til gerðu sniðmáti (sérhönnuðu Keynote skjali). Þetta á við innsendingar í öllum flokkum Lúðursins. Einnig þarf að fylla út sérhannað innsendingarblað sem framkallar innsendingarnúmer.
 
ATH - mikilvægt er að skráningar í excel skjali og nöfn á Keynote skjölum stemmi.     
 
Skilafrestur - Innsendingar verða að hafa borist ÍMARK fyrir kl. 24:00  mánudaginn 14. janúar 2019. 
Enginn frestur verður veittur!
 
Í flokkum þar sem skila þarf sýnishornum af innsendu efni er tekið á móti þeim á skrifstofu ÍMARK í Sigtúni 42 (2. hæð til vinstri) á milli kl. 13:00 – 16:00 14. janúar 2018. 
 
Nánari upplýsingar um Lúðurinn 2018, þátttökureglur og fyrirkomulag má nálgast með því að senda tölvupóst á ludurinn@imark.is eða í síma 899 0689.
 
Lúðurinn 8. mars 2019.
Athygli er vakin á því að lúðrar verða veittir á Lúðrahátíðinni föstudaginn 8.mars 2019. Verðlaun í ÁRU keppninni verða afhent fyrr um daginn, eða á sjálfum ÍMARK deginum.    
 
Áran 2018  
Innsendingarfrestur í Áruna er lengri en innsendingarfrestur í Lúðurinn. Fyrirkomulag verður með svipuðum hætti og í Lúðrinum. Veittur er sérstakur ÁRU verðlaunagripur en ekki Lúður. Verðlaunaafhendingin fer fram á sjálfum ÍMARK deginum, föstudaginn 8. mars 2019.   

 
Sigurvegarar flytja stutt erindi um helstu þætti herferðarinnar sem vinnur Áruna.  
 
Efni verður að hafa borist ÍMARK fyrir kl. 24:00 miðvikudaginn 23. janúar 2019. 

 

Senda efni inn í Lúðurinn hér

Senda efni inn í ÁRU hér