Valmynd Gerast meðlimur


06. desember

Tilnefningar -- Markaðsfyrirtæki ársins 2018

Þann 13. desember næstkomandi mun frú Eliza Reid forsetafrú veita Markaðsverðlaun ÍMARK.
 
Dómnefnd á vegum ÍMARK hefur valið Markaðsfyrirtækið 2018 úr sístækkandi hópi íslenskra fyrirtækja og verður hulunni svipt af því hvaða fyrirtæki trónir á toppnum af mati nefndarinnar við hátíðlega athöfn á Hilton Reykjavík Nordica á milli klukkan 12:00-13:30 13. desember. n.k.
 
Markaðsverðlaun ÍMARK falla í skaut því fyrirtæki sem dómnefndin telur að hafi náð framúrskarandi árangri í markaðsmálum undanfarin tvö ár. Valið byggir á ítarlegu ferli og mati dómnefndar þar sem lagt er mat á fagmennsku við markaðsstarfið, árangur og að fjárhagslegt öryggi sé til staðar.
 
Tilnefnd sem Markaðsfyrirtæki ársins 2018 að þessu sinni eru Arion banki, Dominos, NOVA og Nox Medical.