Valmynd Gerast meðlimur

Morgunfundur

Rory Sutherland á morgunfundi ÍMARK

Staðsetning: Gamla Bíó

Dagsetning: 06. febrúar

Verð 12.900 kr.

Rory Sutherland á morgunfundi ÍMARK



Rory Sutherland verður gestur á morgunfundi ÍMARK miðvikudaginn 6. febrúar 2019. Hann hefur yfirgripsmikla þekkingu á markaðssetningu og auglýsingum. Það má segja að hann sé markaðsvísindamaður sem finnur upp nýjar aðferðir við markaðssetningu á vörum og þjónustu.
 
Rory Sutherland er varaformaður Ogilvy, einnar af stærstu markaðs- og auglýsingastofum í heimi, en hún var stofnuð árið 1850.
 
Síðastliðin ár hefur Rory Sutherland unnið mikið með útskriftarnemum í sálfræði sem leita að „ósýnilegum tækifærum“ í neytendahegðun – þar sem smávægilegar breytingar í viðmóti eða samskiptum kunna að hafa mikil áhrif á þær ákvarðanir sem fólk tekur - til dæmis breytingar á handriti sölufólks í símaveri sem leiða til þreföldunar á söluhlutfalli þeirra.
 
Með öðrum orðum: mörg fyrirtæki tala um „keypta“, „eigin“ og „áunna“ miðla. Rory einbeitir sér hinsvegar að því að finna upp og uppgötva nýja miðla, leita að óvæntum og ódýrum leiðum sem breyta því hvernig fólk hagar sé og hugsar. Eins og gefur að skilja þá geta þetta verið afar arðbærar uppgötvanir. Stundum er hins vegar erfitt að sannfæra fyrirtæki um að leita að og leysa vandamál sem þau vita ekki af.
 
Rory hefur verið skapandi forstöðumaður og textasmiður hjá Ogilvy í yfir 20 ár. Auk þess hefur hann verið formaður dómnefndar á Cannes, flutt fyrirlestra á TED-ráðstefnum og skrifar reglulega pistla hjá The Spectator, Market Leader and Impact og af og til í tímaritið Wired. Hann hefur gefið út tvær bækur: The Wiki Man og Alchemy, the surprising power of Ideas which don´t make sense.
 
Hvar: Gamla bíó 
Hvenær: 6. febrúar
Klukkan: Húsið opnar 08:30 og fyrirlesturinn hefst klukkan 09:00 og stendur til sirka 11:00 

Almennt verð  er 17.900
Verð fyrir ÍMARK félaga er 12.900